Hotels &
Guest Houses
Find now

Self-catering
accommodation
Find now

Camping
& Caravans
Find now

Mae'r tudalennau hyn yn dangos detholiad yn unig o'r amrywiol lety sydd ar gael. Am restr lawn, cysylltwch â'r Ganolfan Groeso.

Canllaw i gyfleusterau llety

Mae'r holl raddau ar y wefan hon wedi eu seilio ar safonau ansawdd cyffredin a gytunwyd gan Visit Wales, Visit England, Visit Scotland a'r AA. Mae'r graddau yn adlewyrchu'r cyfleusterau ac ansawdd y profiad o ben i ben.

SÊR yw eich canllaw i ansawdd. Mae'r Cynlluniau Graddau Ansawdd Sêr yn berthnasol i bob math o lety: gwestai gyda gwasanaeth, tai aros, gwely a brecwast, llety ar ffermydd, hosteli, bythynnod hunan-arlwy a fflatiau, a pharciau carafanau gwyliau a charafanau teithiol / gwersylla.

Y sêr

Lefel ansawdd eithriadol o ben i ben, gyda'r safonau uchaf gan gynnwys glendid, cynnal a chadw, amrywiaeth offer a gofalu am westeion. Rhoddir sylw manwl iawn i bob agwedd gyda llawer o nodweddion personol.

Lefel ansawdd ragorol o ben i ben gyda sylw mawr i fanylion. Safonau glendid uchel. Cynllun yr eiddo yn fwy tebygol o fod wedi ei drefnu gan roddi sylw i gysur y gwesteion.

Ansawdd dda iawn o ben i ben gyda safonau glendid da iawn. Digon o le a dodrefn a gosodion o ansawdd uchel.

Ansawdd gyffredinol dda yn y rhan fwyaf o agweddau'r eiddo. Safon dda o lendid a chynnal a chadw.

Ansawdd o deg i dda yn gyffredinol, gyda dodrefn a gosodion oll mewn cyflwr cadarn ac yn cynnig safon dda o lendid.

Hefyd, chwiliwch am yr eiddo arbennig hwnnw sydd wedi derbyn Gwobr Aur Visit Wales, a roddir am safonau lletygarwch, cysur a bwyd eithriadol mewn llety a wasanaethir.

Blas ar Gymru

Mae Blas ar Gymru yn arwydd o ansawdd.

Croeso i Gerddwyr a Beicwyr

Mannau sydd wedi ymgymryd i ddarparu nodweddion y mae cerddwyr a beicwyr wastad yn eu cael yn ddefnyddiol – cyfleusterau sychu ar gyfer dillad ac esgidiau gwlyb, mannau diogel lle gellir cloi beiciau, lle storio digonol ar gyfer sachau teithio, cinio pecyn ac yn y blaen.

Nodyn i'r Darllenwyr

Roedd pob gradd a gwobr yn gywir adeg cyhoeddi'r wybodaeth hon. Weithiau, ni fu modd ymgymryd â graddio, ac mewn achos o'r fath bydd y geiriau "Aros am radd" i'w gweld yn glir yn yr hysbyseb. Mae asesiadau graddio yn mynd rhagddynt trwy'r amser ac mae gwelliannau gan sefydliadau weithiau yn arwain at newid gradd ers cyhoeddi. Cynghorir bod unrhyw un sydd eisiau defnyddio'r cyfleusterau a hysbysebir yn cadarnhau'n lleol os yw cyfleusterau o'r fath ar gael ar hyn o bryd er mwyn osgoi cael eu siomi.