bywyd min nos

Pan fo’r haul yn machlud, mae’r hwyl yn parhau i’r bobl sydd ar eu gwyliau gyda ni yn y Rhyl a Phrestatyn. Mae gan Sinema Apollo Multiplex bum sgrîn, sain digidol a lle rhwydd i barcio a gwasanaeth gwybodaeth ac archebu lle 24 awr i sicrhau eich bod yn cael gweld y ffilm a ddymunwch. Efallai ei bod yn well gennych gael adloniant byw, felly beth am noson allan yn Theatr y Pafiliwn, y Rhyl, sy’n cynnig llu o berfformiadau o’r radd flaenaf a’r gorau o ran adloniant a diwylliant, neu efallai fynd i weld y cabaret ysblennydd yng Nghanolfan Nova ym Mhrestatyn.

Ceir amrywiaeth o dafarnau a bariau y gallwch ymweld â hwy, llawer ohonynt gyda chyfleusterau i blant fel y gallwch ymlacio tra maen nhw yn cael eu cadw’n brysur, ac wedi i’r plant ddweud nos da, mae’n bryd samplo’r dewis o glybiau nos a disgos y mae’r ddwy dref glan môr hyn yn eu cynnig.

Mae’n hawdd archebu tocynnau ymlaen llaw, cysylltwch â Chanolfan Croeso’r Rhyl a Phrestatyn am gyngor am bopeth o gynllunio eich taith i drefnu eich llety.