Pan mae'r haul yn machlud, mae'r hwyl yn parhau yn y Rhyl a Phrestatyn. Mae Sinema'r Apollo i ailagor yr haf hwn ar ôl gwaith ailwampio mawr, tra bod Sinema Scala a Chanolfan Gelfyddydau Prestatyn yn cynnig sinema ddigidol diffiniad uchel, theatr fyw a bar-gaffi braf.

Efallai bod yn well gennych berfformiad byw, felly pam nad ewch i Theatr y Pafiliwn, y Rhyl, sy'n cynnig perfformiad o'r radd flaenaf a'r gorau ymhlith adloniant a diwylliant, neu efallai byddai'n well gennych y cabaret hynod yng Nganolfan Nova Prestatyn.

Mae amrywiaeth o dafarndai a bariau i ymweld â nhw, llawer gyda chyfleusterau i blant felly medrwch ymlacio tra maent yn cadw'n brysur, ac ar ôl i'r plant ddweud nos da, cewch fynd i'r clybiau nos a'r disgos sydd ar gael yn y ddwy dref.

Mae'n hawdd trefnu tocynnau ymlaen llaw – cysylltwch â Chanolfan Groeso'r Rhyl a Phrestatyn i gael cyngor ar bopeth o drefnu teithiau i drefnu llety.