Mae'r Rhyl a Phrestatyn ar arfordir Gogledd Cymru yn ddwy dref gyda thraethau tywod hyfryd, lle mae gwyliau traddodiadol glan y môr yn cael gweddnewidiad fodern.

Gyda mwy o haul na'r cyfartaledd cenedlaethol, mae'r croeso yma mor gynnes â'r tywydd ac mae digon i'w wneud yn y ddwy dref ar y dyddiau sych, a'r dyddiau nad ydynt mor sych. Mae'r Rhyl a Phrestatyn o fewn dwy awr o Ganolbarth Lloegr a hanner hynny o Lannau Merswy.

Tra bod y ddwy dref yn cynnig y gorau o ran gwyliau modern glan y môr i'r teulu, mae gan y ddwy ei chymeriad penodol ei hun. Mae'r Rhyl yn ganolfan o weithgareddau, gyda digwyddiadau ac atyniadau sy'n cadw'r teulu yn brysur trwy'r dydd ac i'r nos hefyd. Mae Prestatyn yn hafan ymlaciol a diogel gyda golygfeydd hynod ac amrywiaeth o weithgareddau sy'n manteisio ar yr holl ryfeddodau naturiol a hanesyddol gerllaw.

Lle bynnag rydych yn ei ddewis fel canolfan i'ch gwyliau, mae mwy na digon i'w wneud yn y Rhyl a Phrestatyn!